” ვკითხულობთ გალაკტიონს”

November 30, 2021 Uncategorized  No comments

ამ თემაზე ჩატარდა ქართული ლიტერატურის გაკვეთილი მერვე კლასელ “მზეკაბანელებთან” ( პედაგოგი მაია გოგბერაშვილი). ამგვარად აღინიშნა ქართული პოეზიის ბუმბერაზი მგოსნის დაბადების 130 წლის იუბილე.
მასწავლებელმა ამომწურავი მიაწოდა მოსწავლეებს გალაკტიონის ცხოვრებისა და ლიტერატურული მემკვიდრეობის უმნიშვნელოვანესი მომენტების შესახებ.
ამის შემდეგ ასპარეზი პატარებს დაეთმო. მათ მხატვრულად წაიკითხეს დიდი პოეტის მათთვის საყვარელი ლექსი.
ეს მხოლოდ ზღვაში წვეთია, რაც შეიძლება, დიდი გალაკტიონის უკვდავსაყოფად გააკეთო პედაგოგმა….
თუმცა ლამაზმა გარემომ და გრძნობით წაკითხულმა ლექსებმა, გააღვივა ინტერესი მგოსნის შემოქმედების უფრო ფართოდ გაცნობისათვის!
მეტი

” მზეკაბანელმა პირველკლასელებმა შემოდგომა გააცილეს”

November 30, 2021 Uncategorized  No comments

დღეს საოცარი ჟრიამული ისმოდა კერძო სკოლა ” მზეკაბანის” ეზოდან. პირველკლასელებმა ( პედაგოგები ლია ნიკოლაძე და მარიამ აბესაძე) წარმოადგინეს მუსიკალურ – ლიტერატურული კომპოზიცია “ნახვამდის, ოქროსფერო შემოდგომავ”.
ნოემბრის მიწურულის ცივმა ქარმა და მოქუფრულმა ამინდმა საზეიმო განწყობა ვერ გააფუჭა.
ღონისძიება უამრავი საინტერესო აქტივობით წარიმართა.
მოსწავლეებმა ბუნებისა და ლიტერატურის სათანადო ცოდნაც გამოავლინეს და კარგადაც გაერთნენ.
მადლიანი შემოდგომის ბარაქა იგრძნობოდა პატარებისათვის სახელდახელოდ მოწყობილ კუთხეში. ლამაზი გარემო მეტ ხიბლს სძენდა ღონისძიებას.
ბოლოს მოსწავლეებმა ოქროსფერი საჰაერო ბუშტები ზეცაში გაუშვეს და თან საახალწლო სურვილები გაატანეს!
მადლობა,ქალბატონო ლია და მარიამ, ასეთი ლამაზი სანახაობისათვის, მშობლებო – მხარდაჭერისათვის!
მეტი

ოქროსმედალოსნები

November 30, 2021 Uncategorized  No comments

რაიონის მერმა ბატონმა ლაშა გოგიაშვილმა, რესურსცენტრის წარმომადგენლებმა და მუნიციპალიტეტის კულტურის განყოფილების მუშაკებმა ოქროსა და ვერცხლის მედლები გადასცეს 2019- 2020 სასწავლო წლის კურსდამთავრებულებს.
მათ შორის 6 ოქროსმედალოსანი ” მზეკაბანელი” გახლდათ.
თინათინ ჩუბინიძე, ლანა ჭანტურიძე, გიორგი კუბლაშვილი, ზურა არაბიძე, ლაშა ზარნაძე და ციცო რობაქიძე.
რაიონის მერია მედალოსნებს ფასიანი საჩუქრებითა და ფულადი ერთჯერადი სტიპენდიით აჯილდოებს რამდენიმე წელია.ეს ტრადიცია არც ამჯერად დარღვეულა და 2020- 2021 წლის კურსდამთავრებულებმა (ნინი გოგიაშვილმა და მარიამ აბესაძემ) წინასაახალწლოდ რაიონის ხელმძღვანელობისაგან მიიღეს ეს საჩუქარი.
მეტი

ერთი საინტერესო დღე მეშვიდეკლასელი ” მზეკაბანელებისათვის”

November 30, 2021 Uncategorized  No comments

სამოქალაქო განათლება ეროვნული სასწავლო გეგმის მიხედვით სასკოლო პროგრამაში მეშვიდე კლასიდანაა გათვალისწინებული. ახალგაზრდა პედაგოგმა- ელენე კუტივაძემ იგი ყველა მოსწავლისათვის საინტერესო და საყვარელ საგნად აქცია. კლასი ორი კვირაა მუშაობს კომპლექსურ დავალებაზე – ” საგზაო ნიშნები და მოძრაობის უსაფრთხოება”. მათ რამდენიმე ეტაპი უკვე გაიარეს და ერთ-ერთი გახლდათ საგზაო პატრულთან შეხვედრა.სწორედ, ამ დავალების ფარგლებში ეწვია მშობლიურ სკოლას 2012- 2013 სასწავლო წლის წარჩინებული კურსდამთავრებული, საპატრულო პოლიციის ათეულის მეთაური ილია ბუცხრიკიძე.
შეხვედრა კითხვა- პასუხის რეჟიმში წარიმართა. სტუმარმა ამომწურავად და ძალიან საინტერესოდ უპასუხა პატარების ყველა შეკითხვას, რომლებიც მხოლოდ საგზაო ნიშნებსა და მოძრაობის უსაფრთხოებას არ შეეხებოდა.
აუდიტორია ძალიან კმაყოფილი დარჩა შეხვედრით.მოსწავლეებმა სტუმარს გულითადი მადლობა გადაუხადეს.
შემდეგი ეტაპი კომპლექსური დავალებისა გახლავთ თხზულების დაწერა, ზემოაღნიშნული შეხვედრიდან გამომდინარე და ნახატის შექმნა ” მე მიცავს ჩემი პოლიცია”, რაც მეშვიდეკლასელებს უკვე ნამდვილად არ გაუჭირდებათ.
ბოლოს სკოლის ადმინისტრაციამ სტუმარს გადასცა სერტიფიკატი- ” მზეკაბანის ქომაგი”
მეტი

ჩვენც ძველი მსოფლიოს ნაწილი ვართ

November 14, 2021 Uncategorized  No comments

” ჩვენც ძველი მსოფლიოს ნაწილი ვართ”
ამ თემაზე ჩატარდა ისტორიის შემაჯამებელი მეცადინეობა მეთერთმეტე კლასში.( პედაგოგი ხათუნა დიდიძე)
მოსწავლეებმა ისაუბრეს ძველი მსოფლიოს სახელმწიფოების საშინაო და საგარეო პოლიტიკის საკვანძო საკითხებზე, მმართველობითი სტრუქტურების ჩამოყალიბებასა და დროში ცვალებადობაზე. ძველი მსოფლიოს ისტორიულ პროცესებში ეკონომიკური ფაქტორის მნიშვნელობაზე.
თითოეული გამომსვლელი შეეხო ძველი მსოფლიოს სახელმწიფოების ( ეგვიპტე..სპარსეთი…კოლხა….ათენი…სპარტა…ფინიკია…შუმერი) მატერიალურ და სულიერ კულტურაზე; შეძლედ გაეკეთებინათ ანალიზი, თუ რა გავლენას ახდენს რელიგია სახელმწიფოებზე.
მათ შეძლეს ამომწურავი პასუხების გაცემა დასმულ შეკითხვებზე.
პრეზენტაციამ სასიამოვნოდ ჩაიარა. გამომსველებმა სრულყოფილად და საინტერესოდ წარმოადგინეს ძველი მსოფლიო.
მეტი

“ჩვენი დროის გმირები”

November 14, 2021 Uncategorized  No comments

ამ თემაზე გააკეთეს მეხუთეკლასელმა
” მზეკაბანელებმა” პრეზენტაცია ქართულ ენასა და ლიტერატურაში. ( პედაგოგი, კლასის ხელმძღვანელი ქეთევან კირკიტაძე )
იდეა თავად მოსწავლეებიდან წამოვიდა…… როცა მეფე დემეტრე თავდადებულის შესახებ მოთხრობა შეისწავლეს, გაუჩნდათ სურვილი, თანამედროვე გმირებზეც მოეძიათ ინფორმაცია…პატარებს ბევრი უშრომიათ, თითოეულ მათგანს სურვილისამებრ ჰყავდა შერჩეული პიროვნება, რომელიც მისთვის არის მისაბაძი გმირი და საოცრად ლამაზად – სლაიდებითა თუ საკუთარი ნახატებით წარსდგნენ აუდიტორიის წინაშე. იყო საოცარი ლექსი, გულიდან წამოსული, მთელი განცდით წაკითხული ნიკოლოზ სარალიძის, ჯუბა არაბიძის, გიგა შარვაშიძის, ნიკოლოზ კუპატაძისა და გიორგი კაჩმაზოვის მიერ..მოსწავლეებმა -ტარიელ სახელაშვილმა, მათე მუჯირმა , საბა არუთინოვმა, ზიზი ცერცვაძემ, გიორგი ცინაძემ,რატი ზანკალიანმა ისაუბრეს თანამედროვე გმირებზე , აღნიშნეს, რომ მათ სახელებს დავიწყება არ უწერია, სანამ იარსებებს ქართველი ერი.
მეტად ამაღელვებელი გახლდათ რატი ზანკალიანის მიერ წაკითხული საკუთარი ლექსი სამშობლოზე.
გარემო იყო საოცარი, ძალიან ლამაზი და ამაღელვებელი – დეკორაციებით თუ მუსიკით გაფორმებული.
პატარებმა საკუთარი ხელით დახატეს საქართველოს კონტურული რუკა, რომელზედაც განათავსეს საკუთარი სურვილები – “როგორ საქართველოში მსურს ცხოვრება?”
მადლობა პატარებსა და ქეთი მასწავლებელს, ტექნიკური მხარდაჭერისათვის პედაგოგებს ლია ნიკოლაძესა და ნანა სვანიძეს.
პ.ს. ამ კლასში მოსწავლეთა დიდი ნაწილი ვაჟია. მათ მიერ მხატვრულად წაკითხული ლექსები და ზოგადად, პათოსი უნებურად გაგახსენებდათ სიტყვებს :” კიდევაც დაიზრდებიან
ალგეთს ლეკვები მგლისანი….”
მეტი

საქართველოში გავრცელებული სოკოები

November 14, 2021 Uncategorized  No comments

ასეთი გახლდათ მე- 4 კლასის საგაკვეთილო თემა ბუნებაში . (პედაგოგი ლია ნიკოლაძე)
წელიწადის ყველა დრო თავისებურად ლამაზია, მაგრამ დამეთანხმებით, შემოდგომას სულ სხვა ხიბლი აქვს …..საოცარ ფერთა გამა… სიუხვე….სილამაზე ერთად მშვენიერ ჰარმონიას ქმნის.სწორედ ასეთი განწყობა დაგეუფლებოდათ, დღეს რომ ” მზეკაბანელ” მეოთხეკლასელებს სწვეოდით…მათ წარმოადგინეს პრეზენტაცია ჩვენი ქვეყნის ტყეებსა და მდელოებზე გავრცელებულ სოკოებზე. 14 მოსწავლეს 14 სხვადასხვა სოკოს შესახებ ჰქონდა მასალა მოძიებული, საკუთარი ხელით დაუმზადებიათ რესურსები, გაკვეთილის ბოლოს მათე მაკარიძემ ჩაატარა ცდა და თანაკლასელებს ” საფუარის სოკოს ” სასწაულმოქმედება აჩვენა.
გაკვეთილს ფონად გასდევდა ულამაზესი ვიდეოკოლაჟი – ” ჩვენ და სოკოები”, რომელიც მოამზადა მერვე კლასის მოსწავლე თეკლა არაბიძემ.
შოპენის უკვდავი ” შემოდგომის ვალსის” ჰანგებმა კიდევ ერთხელ დაგვარწმუნა, რომ შემოდგომა წელიწადის დროთა ნამდვილი დედოფალია.
წარმატებები კრეატიულ ლია მასწავლებელს თავის მოსწავლეებთან ერთად!
მეტი

კეთილი იყოს თქვენი შემობრძანება “აი იას” სამყაროში პატარებო!

November 14, 2021 Uncategorized  No comments

ყველაფერი პირველი განსაკუთრებულ ადგილს იკავებს ხოლმე ადამიანის ცხოვრებაში: პირველი სიტყვა…პირველი ნაბიჯი… ცოდნის სამყაროში პირველად შეხედვა… დამეთანხმებით, საკმაოდ შთამბეჭდავია პირველად ამოკითხვა ჯადოსნური “აი იასი”.
“მზეკაბანელ” პირველკლასელებს არასოდეს დაავიწყდებათ ეს დღე, ისინი ხომ სრულუფლებიან მოსწავლეებად “მოინათლნენ”უკვე. პედაგოგებმა ლია ნიკოლაძემ, მარიამ აბესაძემ, გულთამზე კუბლაშვილმა და კლასის მშობლებმა ყველაფერი გააკეთეს იმისათვის, რომ ეს ლამაზი დღე წარუშლელი შთაბეჭდილებით დარჩენილიყო ცეროდენების მეხსიერებაში. მათ შესანიშნავი ოსტატობით წარმოადგინეს მუსიკალურ-ლიტარატურული კომპოზიცია “აი ია- საოცრების დასაწყისი”. ლექსს სიმღერა ენაცვლებოდა, იყო მცირე თეატრალური წარმოდგენა…გაკვეთილი დატვირთული იყო მრავალი საინტერესო აქტივობით.
ნიშანდობლივი გახლავთ, რომ პაწაწინა ია – უმშვენიერესი ანასტასია ორბელაძე-ოჯახის თვითიზოლაციის გამო ონლაინ ჩაერთო გაკვეთილში. სურათების დათვალიერებისას თქვენც დარწმუნდებით, რომ მას თავისი კოპწიაობა და მომხიბლველობა დისტანციის მიუხედავად, არ დაუკარგავს.
გავა დრო … კოვიდი დავიწყებას მიეცემა, მაგრამ როცა ეს პატარები თავიანთ ფოტო და ვიდეოარქივს დაათვალიერებენ, ღიმილითა და დიდი სიყვარულით გაიხსენებენ პირველ ნაბიჯებს “აი იას” სამყაროში “.
გაკვეთილს მეტი ხიბლი შესძინა მესამეკლასელი ანასტასია აბულაძის “სტუმრობამ”, რომელმაც “ანბანის მანტია” შესანიშნავად მოირგო და უმცროს მეგობრებს გზა დაულოცა ცოდნის დიდი მწვერვალებისაკენ მიმავალ გზაზე.
წარმატებებს გისურვებთ,პატარებო! მამულს განათლებული, ძლიერი ახალი თაობა სჭირდება! ეს ძალა კი ნამდვილად მაღალხარისხიანი განათლებით შეიძინება!
მადლობა,ლია მასწავლებელო,ასეთი დაუღალავი შრომისათვის, პროფესიონალიზმისა და სიყვარულისათვის!
გზა გვინდა დავულოცოთ დამწყებ პედაგოგს- მარიამ აბესაძეს- პირველკლასელების დამრიგებელს,ვუსურვოთ მას პროფესიული ზრდა ამ რთულსა და საპასუხისმგებლო საქმეში!
მადლობა ყველა მშობელს თანადგომისა და უდიდესი პასუხისმგებლობისათვის!
მეტი

იქ , სადღაც შორს…… უფალთან ახლოს….

June 5, 2021 Uncategorized  No comments

ალბათ, ასეთი განცდა შეექმნა ყველას, “მზეკაბანის” სააქტო დარბაზში მყოფს, ვინც კი მეცხრეკლასელთა ლიტერატურულ- მუსიკალური წარმოდგენა ნახა 2 ივნისს ( პედაგოგი ქალბატონი მანანა წერეთელი) . საათ- ნახევრის განმავლობაში მაყურებელიცა და მონაწილენიც მოწყვეტილი გახლდნენ მიწიერ რეალობას ( გადაჭარბების გარეშე) და სულ სხვა განზომილებაში იმყოფებოდნენ….ლექსი…საგალობელი….გარემო, ჰარმონიულად შერწმული ერთურთს, ჭეშმარიტ ნეტარებას გაგრძნობინებდათ……ამის სიტყვებით გადმოცემა ყოვლად შეუძლებელია! ეს უნდა ნახო საკუთარი თვალით და ამას უნდა მოუსმინო თავად! კარგი იქნებოდა, რომ ეს შესანიშნავი წარმოდგენა ფართო აუდიტორიას ენახა, მაგრამ ისევ კოვიდპანდემიით გამოწვეულმა რეგულაციებმა შეგვიშალა ხელი. ვეცდებით, ფოტო და ვიდეო მასალით ნაწილობრივ მაინც შეგიქმნათ წარმოდგენა ზემოაღნიშნულ ღონისძიებასთან დაკავშირებით! მადლობა მეცხრე კლასის ათივე მოსწავლეს გაწეული კოლოსალური შრომისათვის ! ასგზის ბრავო ქალბატონ მანანა წერეთელს ჩვენთვის მონიჭებული სიამოვნებისათვის!.

 

მეტი

” ცა ფირუზ, ხმელეთ ზურმუხტო, ჩემო სამშობლო მხარეო…”

June 5, 2021 Uncategorized  No comments

ამ თემაზე ჩატარდა მერვე კლასში შემაჯამებელი გაკვეთილი ( პრეზენტაცია) ქართულ ენასა და ლიტერატურაში, პედაგოგი მანანა წერეთელი.
მოსწავლეებმა ძალიან საინტერესო ფორმატში წარმოადგინეს
საქართველოს უგვირგვინო მეფის, ყველა ქართველისათვის საყვარელი მგოსნის მთელი ცხოვრება და შემოქმედება.
” გემრიელი ლუკმა” , როგორც იტყვიან, ბოლოსთვის შემოინახეს: ნიკა გურულმა და საბა კვახაჯელიძემ შეუდარებლად წარმოადგინეს ნაწყვეტი ისტორიული მოთხრობიდან
” ბაში- აჩუკი”.ამაღელვებელი გახლდათ ბიძინა ჩოლოყაშვილისა და ბიძამისის ცნობილი დიალოგი.
გაკვეთილის ფინალი – მაჟორული აკორდი – ქალბატონ მანანა წერეთლის ლექსი , რომელიც წაიკითხა ნიკა გურულმა.
” ისევ გომბორზე ვდგავარ,
თავზე დამდის შუქი ცისა
მტერთან ავად ვმუსაიფობ,
დამთრგუნველი დუშმანისა.
ჩემი მიწის დარდი მამხელს,
მისი მწუხრის და ცისკრისა.
ბაღს შევაღებ, საწალკოტეს,
გადმოსულა მადლი ღვთისა.
ღირსებით და ძალით მმოსავს
ჯავშან- ქაფი ფოლადისა.
სრულკახეთის კედლად ვაგე
ციხე- ბჭენი ახმეტისა.
სეფედროშის ოქროსფერში
ჩაქსოვილო, ჩამტევნულო,
გეტრფი ჩემო დიდკახეთო,
მტრისგან ბევრჯერ დალახვრულო
ქრისტეს სისხლი- საფერავად,
ქრისტეს ხორცი – დედასპურად.
ისევ დგახარ ქედმაღალი
სრულივერის სიქადულად.
დედოზარის ხმა ჩამესმის
ალავერდში, ცასთან ახლოს.
კიდევ ბევრი ერისკაცი
მაგ ემბაზში გაგენათლოს.
ქრისტეს სისხლი აზარფეშით,
ქრისტეს ხირცი- დედასპურად.
ვაღორძინოთ ფესვი მუხის
ივერიის სიქადულად.
მ.წ.
მეტი