Category Uncategorized

გრძელდება პროექტი “მზეკაბანის” კურსდამთავრებულები “მზეკაბანისათვის”

December 2, 2022 Uncategorized  No comments

2 დეკემბერს, მშობლიურ სკოლას ესტუმრა კავკასიის უნივერსიტეტის ინფორმაციული ტექნოლოგიების IV კურსის წარმატებული სტუდენტი ლანა ზარნაძე. ლანამ 2019 წელს ოქროს მედალზე დაამთავრა სკოლა და გრანტით ჩაირიცხა უნივერსიტეტში. ნიჭიერებამ, შრომისმოყვარეობამ და მიზანდასახულობამ თავისი “სიტყვა თქვა” და წარმატებაც მოიტანა…… ლანას უყვარს საქმე , რომელსაც ემსახურება და ეს ყოველივე საუკეთესოდ გამოსდის. მან “მზეკაბანელი” უფროსკლასელი მოსწავლეებისათვის წარმოადგინა პრეზენტაცია თემაზე – ” საინფორმაციო ტექნოლოგიები ყოველდღიური აუცილებლობა”. აუდიტორია ერთი საათის განმავლობაში გულდასმით უსმენდა პრეზენტატორს, რომელმაც შეხვედრის ბოლოს ამომწურავად უპასუხა მოსწავლეთა შეკითხვებს.
ბედნიერებაა, როცა შენგან ხნულში ჩაგდებული მარცვალი ნაყოფიერ ნიადაგში ხვდება და შემდეგ სასიკეთოდ მრავლდება.
ეს განცდა დაეუფლებოდა ყველა პედაგოგს, რომლებიც დარბაზში ლანას უსმენდნენ! დარწმუნებულები ვართ, რომ მას წინ ბევრი წარმატებული დღე ელოდება! ” მზეკაბანი ” კი ყოველთვის დარჩება
მისი ნაბიჯების მეთვალყურედ!
მეტი

თვითმმართველობის დარბაზის წევრის არჩევნები

November 19, 2022 Uncategorized  No comments

18 ნოემბერს კერძო სკოლა “მზეკაბანში” თერჯოლის მოსწავლე- -ახალგაზრდობის სახლის თვითმმართველობის დარბაზის წევრის არჩევნები ჩატარდა. ხმათა უმრავლესობით გაიმარჯვა მეათეკლასელმა ნიკა გურულმა. სკოლის თვითმმართველობა და დირექცია წარმატებებს უსურვებს რაიონის მოსწავლეთა დარბაზს, ველოდებით საინტერესო პროექტებსა და ინიციატივას!

 

მეტი

ყველაზე ფერადი, მხიარული, ბარაქიანი…

November 19, 2022 Uncategorized  No comments

18 ნოემბერს, განსაკუთრებული ჟრიამული ისმოდა სკოლის სააქტო დარბაზიდან. ლამაზად გაფორმებული გარემო თვალსა და გულს იზიდავდა. პირველკლასელებმა ( ხელმძღვანელი ლია ნიკოლაძე) ბუნების გაკვეთილზე შეაჯამეს თემა – ” შემოდგომა” ( ხილი და ბოსტნეული. პედაგოგი ნორა ჩუბინიძე) მუსიკასთან ( პედაგოგი გულთამზე კუბლაშვილი) ინტეგრირებით.
გაკვეთილი მიმდინარეობდა საინტერესოდ : სხვადასხვა პრაქტიკული აქტივობა ენაცვლებოდა ერთმანეთს. პატარებმა თეორიული ცოდნა კარგად გამოიყენეს და “კეთებით სწავლების” უპირატესობა თვალნათლივ დაგვანახეს : არც ჭყინტი ტარო დაუტოვებიათ გაურჩეველი და “დაუბინავებელი” და არც ყველასათვის საყვარელი ბატიბუტი მოუმზადებელი.
მშობლების ჩართულობა სასკოლო ცხოვრებაში უცხო არ გახლავთ “მზეკაბანისათვის”, ეს ტრადიცია არც დღეს დარღვეულა : ყოჩაღმა დედიკოებმა პატარების დახმარებით იქვე მოამზადეს ცოცხალი სალათები და ხილის ასორტი, რომლებიც ნამდვილი ხელოვნების ნიმუში გახლდათ.
მოსწავლეებმა მინიპრეზენტაციაც წარმოადგინეს – ” მე ჩემ შესახებ” და დამსწრე აუდიტორიას მომავლის გეგმებიც გაგვაცნეს . კლასის დევიზიც გაგვიმხილეს -” ერთი ყველასათვის, ყველა ერთისათვის” და პირობა დადეს, რომ ამით იცხოვრებენ მთელი 12 წელიწადი.
პატარებმა ნახეს ანიმაციური ფილმ- ზღაპარი ” თალგამი “და შემდეგ თავადაც გაითამაშეს პატარა სცენა ზღაპრიდან. დარწმუნდნენ, რომ ძალა მართლაც ერთობაშია.
მხიარულ ჟოზესთან ერთად შესრულებულმა სიმღერამ ” – წელიწადის დროები” მაჟორული ტონალობა კიდევ მეტად ასწია დარბაზში.
ასე მხიარულად  და “გემრიელად “გააცილეს ბარაქიანი შემოდგომა პირველკლასელებმა.

 

მეტი

პროექტი ,,წიგნის მოყვარული“

November 10, 2022 Uncategorized  No comments

სტუმრად “მზეკაბანში”
პროექტის ” წიგნის მოყვარული” ფარგლებში
საინტერესო და დასამახსოვრებელი აღმოჩნდა დღეს შეხვედრა მესამე-მეოთხე კლასელებისათვის პროექტის ,,წიგნის მოყვარული“ ფარგლებში.ბავშვებს მოსწავლე-ახალგაზრდობის ცენტრის პედაგოგი ნათია გამყრელიძე სტუმრობდა, რომელმაც თერჯოლის მკვიდრის, ახალგაზრდა მწერალ გელუკა ბუიღლიშვილის წიგნიდან ,,საჭორეთიდან მოფრენილი ფურცლები“ ზღაპრები წაუკითხა პატარებს და მწერალზე ბევრი ესაუბრა. საჭორეთის ბინადართა სახალისო ისტორიებმა პატარა მსმენელებზე განსაკუთრებული შთაბეჭდილება მოახდინა. სინიორა ენატანიას, ფრანჩესკო ტრაბახას, დომენიკო ჩაქუჩასა თუ მწერალ პაოლოს ცხოვრებასა და საქმიანობას ბავშვები ყურადღებით უსმენდნენ და თავიანთ აზრებს თავისუფლად გამოხატავდნენ. ამის შემდეგ ბავშვებმა სპექტაკლიდან ,,საჭორეთი და საჭორეთლები“ (რომელიც 2012 წელს დაიდგა) დასკვნითი სცენა ნახეს. დასასრულს სტუმარმა მადლობა გადაუხადა სკოლის დირექციას ამ შესაძლებლობისა და ასეთ მნიშვნელოვან პროექტში ჩართულობისათვის. პატარა მსმენელები კი აქტიურობისათვის სამახსოვრო საჩუქრებით გაახარა, ხოლო სკოლის ბიბლიოთეკას საჩუქრად გელუკას წიგნი გადასცა.
ბავშვებმა სტუმრისგან ძალიან საინტერესო დავალებაც მიიღეს: წაიკითხონ დანარჩენი ზღაპრები ნაჩუქარი წიგნიდან და შეავსონ სათანადო ანკეტები, რომლებიც სპეციალურად მათთვის იყო შედგენილი. მადლობა ქალბატონ ნათიას საოცარი დღის ჩუქებისთვის.
მეტი

დისკუსია თემაზე – ” უნდა ამოეღო თუ არა იუნესკოს ბაგრატის ტაძარი კულტურული მემკვიდრეობის ნუსხიდან?”.

November 9, 2022 Uncategorized  No comments

დღეს, 9 ნოემბერს, მეთერთმეტეკლასელ ” მზეკაბანელებთან” გაიმართა დისკუსია თემაზე – ” უნდა ამოეღო თუ არა იუნესკოს ბაგრატის ტაძარი კულტურული მემკვიდრეობის ნუსხიდან?”.
( გეოგრაფიის პედაგოგი ნორა ჩუბინიძე).
გაკვეთილი იყო პრობლემაზე ორიენტირებული, აქტივობებით დატვირთული.
, რომელმაც აჩვენა , რომ მოსწავლეებმა მიზანს მიაღწიეს. მათ წინარე ცოდნა დაუკავშირეს განსახილველ თემას და იმსჯელეს იმ ფუნქციებზე, რაც იუნესკოს აკისრია განათლების, მეცნიერებისა და კულტურის სფეროში. დისკუსიის შედეგად აზრი ორად გაიყო. მოსწავლეთა ნაწილი დაეთანხმა მიღებულ გადაწყვეტილებას, ნაწილმა კი ბაგრატის ტაძრის კულტურული მემკვიდრეობის ნუსხიდან ამოღება გააპროტესტა და თავიანთი მოსაზრებები არგუმენტირებულად დაასაბუთა.
მიუხედავად ფასილიტატორის მცდელობისა, ერთიანი აზრის შეჯერება ვერ მოხერხდა, თუმცა გაკვეთილი ძალიან კარგი გამოვიდა.
მეტი

სტუმრად მშობლიურ სკოლაში

November 9, 2022 Uncategorized  No comments

მშფოთვარე და დაძაბულმა ყოფამ სამყაროს სიმშვიდე დაუკარგა და ადამიანების ცხოვრება ნორმალური კალაპოტიდან ამოაგდო. ბევრს გაუჭირდა საკუთარი ემოციების მართვა, რის გამოც შედეგი ნამდვილად არაა სახარბიელო. ირგვლივ თითქოს ყველაფერმა ფერადოვნება დაკარგა, გაქრა გულიანი ღიმილი და სიხარულით გაცისკროვნებული სახეები. ამ დროს ბავშვები ყველაზე მეტად ზარალდებიან .ამიტომაც მათ განსაკუთრებული გაფრთხილება სჭირდებათ. სწორედ ამიტომ სკოლაში ყოველთვის სასურველი სტუმარი გახლავთ “მზეკაბანის ” კურსდამთავრებული, ფსიქოლოგი ანა ქოჩიაშვილი, რომელიც შეხვდა მოსწავლეებს და ძალზე აქტუალურ და მათთვის საინტერესო თემაზე წარმოადგინა პრეზენტაცია – “ემოცია და მისი გავლენა ადამიანებზე”.
შეხვედრამ თბილ ატმოსფეროში ჩაიარა. სტუმარმა გამოთქვა მზადყოფნა, რომ საჭიროების შემთხვევაში ყოველთვის დადგეს საყვარელი სკოლის გვერდით!
მადლობა ანას და წარმატებებს ვუსურვებთ მომავალშიც!
მეტი

ცხოვრების ჯანსაღი წესი ” მზეკაბანელთა” უმნიშვნელოვანესი საზრუნავი.

November 4, 2022 Uncategorized  No comments

ეს საკითხი ყოველთვის იყო და კვლავაც იქნება პრიორიტეტული კლასის ხელმძღვანელთა სამუშაო გეგმაში. ამ თემას მიეძღვნა დღეს პროექტის პრეზენტაცია მერვე და მეშვიდეკლასელ
” მზეკაბანელებთან” ( დამრიგებლები – ქეთევან ზარნაძე და ხათუნა კლდიაშვილი)
მოსწავლეებმა წარმოადგინეს პრეზენტაციები ცხოვრების ჯანსაღი წესის შესახებ; ისაუბრეს მავნე ჩვევებზე, მათ შორის, თამბაქოს უარყოფით მხარეებზე; ნახეს დოკუმენტური ფილმი – “პროფესორ ჟდანოვის სიმართლე თამბაქოს შესახებ” და შემდგომ იმსჯელეს მასში დასმული პრობლემის შესახებ.
არც ერთი შეკითხვა არ დარჩენილა პასუხგაუცემელი.
საბოლოოდ, ყველა შეთანხმდა იმაზე, რომ ცხოვრების ჯანსაღი წესი უნდა გახდეს მათი ყოველდღიურობა, ისევ მათი კეთილდღეობისათვის.
წარმატებული და ჯანსაღი მომავალი ვუსურვოთ ახალგაზრდებს!
მეტი

კომპლექსური დავალება უცხო ენის გაკვეთილზე

November 3, 2022 Uncategorized  No comments

მუდამ კრეატიული დარეჯან მასწავლებელი და მისი მეცხრეკლასელი შეგირდები
“მზეკანი-2007-“ის მეცხრე კლასის მოსწავლეებმა კომპლექსური დავალების ფარგლებში (თემა ” მოგზაურობა და შთაბეჭდილებები “)უცხო ენის გაკვეთილზე შექმნეს ტურისტებისათვის ბუკლეტები, რომლებშიც შეიტანეს ინფორმაცია საქართველოს ღირშესანიშნავი და ისტორიული ადგილების შესახებ .მოსწავლეებმა თემასთან მიმართებაში გამოავლინეს როგორც შემოქმედებითი,ისე ნასწავლი ლექსიკურ-გრამატიკული კონსტრუქციების სწორად გამოყენების უნარი. ბუკლეტების შექმნის შემდეგ მათ კლასის წინაშე წარმოადგინეს საკუთარი ნამუშევრები. ( მასწავლებელი დ.ჭანტურიძე).
მეტი

October 31, 2022 Uncategorized  No comments

კომპლექსური დავალება ფიზიკაში. VIII კლასი. ,,ენერგია. ენერგიის გარდაქმნა”.

მეტი

October 29, 2022 Uncategorized  No comments

ვულოცავთ მეთეთმეტეკლასელ მოსწავლეს – ვახო პატარიძეს – ინტელექტუალურ პროექტ – ეტალონში მესამე საპრიზო ადგილის დაკავებას!!

მეტი