Category Uncategorized

სახალისო აქტივობა

April 20, 2022 Uncategorized  No comments

სახალისო აქტივობა ინგლისურში პირველი და მეორეკლასელი
” მზეკაბანელებისათვის”
პატარებმა ციფრები და ფერები ინგლისურ ენაზედაც იციან. ” ვინ უფრო სწრაფად და სწორად” – ასეთი გახლდათ აქტივობის პირობა… მასწავლებელს ( ნანა სვანიძე ) საკმაოდ ბევრი უშრომია რესურსების დამზადებაზე.მოსწავლეებმა შესანიშნავი ცოდნა გამოავლინეს და იხალისეს კიდეც..
მეტი

ფარნავაზიდან იაკობამდე

April 20, 2022 Uncategorized  No comments

ასეთი გახლდათ ლიტერატურულ- მუსიკალური კომპოზიცია, რომელიც საბავშვო ბიბლიოთეკის დარბაზში დღეს წარმოადგინეს მესამეკლასელმა ” მზეკაბანელებმა.
პატარებმა ქართული ანბანის ისტორია ლამაზად გადმოგვცეს, ლექსები მიუძღვნეს დედაენას, არც სიმღერები დავიწყებიათ. ( პედაგოგი გულთამზე კუბლაშვილი)
ღონისძიების მონაწილეებმა ვიდეორგოლიც ნახეს, 14 აპრილის ისტორიის შესახებ.
აქტივობაში მეორეკლასელებიც ჩაერთნენ. მათ მხატვრულად წაკითხული ლექსებით გაალამაზეს საღამო.
დედაენის დღისადმი მიძღვნილი კვირეული გრძელდება!
მეტი

” უძველეს ხელნაწერთა კვალდაკვალ”

April 20, 2022 Uncategorized  No comments

პროექტის – ” უძველეს ხელნაწერთა კვალდაკვალ” – შეჯამება მერვე კლასში ( პედაგოგი მაია გოგბერაშვილი).დედაენის დღეს მიუძღვნეს მერვეკლასელმა “მზეკაბანელებმა” ზემოაღნიშნული პროექტის შემაჯამებელი გაკვეთილი.
მიზანი გახლდათ სამი შატბერდული ხელნაწერის “თავგადასავლის” შესახებ ინფორმაციის მოძიება და პრეზენტაცია. მოსწავლეებმა ასევე წარმოადგინეს საუკუნეების განმავლობაში საწერი მასალის ცვლილების შესახებ ინფორმაცია; ძალიან საინტერესო გახლდათ მათივე ხელით დამზადებული წიგნები და დაძველების ეფექტით შექმნილი ნამუშევრები, რომლებიც საკლასო ოთახში გახლდათ გამოფენილი.
გარემო იყო საოცარი……აშკარად იგრძნობოდა პედაგოგის შემოქმედებითობა და კრეატიულობა. ნამდვილად მოიხიბლებოდით მრავალფეროვანი სასწავლო რესურსით.
განსაკუთრებით უნდა აღინიშნოს ძველი ლიტერატურული ძეგლების გადამწერის იმიტირებული ოთახი, სადაც შეგეძლოთ ფრთითა და მელნით ჩანაწერის გაკეთება.
ბედნიერებაა, როცა ბავშვებს ასეთი მოტივირებული, დაუღალავი, თავისი საქმის პროფესიონალი მოძღვარი ჰყავთ! წარმატებები ქალბატო მაიასა და მის შეგირდებს!
მეტი

დაუვიწყარი დღე “მზეკაბანელი”პირველკლასელებისთვის

April 20, 2022 Uncategorized  No comments

წლევანდელი 14 აპრილი არასდროს დაავიწყდებათ პატარებს. დედაენის დღისადმი მიძღვნილი ღონისძიების ფარგლებში სკოლას ესტუმრნენ : ქალაქის მერი – ბატონი ლაშა გოგიაშვილი; რესურსცენტრის უფროსი – ქალბატონი ქეთევან შეყრილაძე; მერიის განათლების, კულტურის, სპორტისა და ახალგაზრდობის სამსახურის უფროსი – გურამ თურქაძე.
მათ დედაენის დღე მიულოცეს პატარებს და საჩუქრად გადასცეს წიგნები.
პირველკლასელებმა გულთამზე მასწავლებელთან ერთად დედაენაზე სიმღერა შეასრულეს და ამგვარად მოიწონეს თავი სტუმრების წინაშე.
…..მაგრამ ყველაფერი ამით არ დასრულებულა.
პატარები ესწრებოდნენ მერვეკლასელთა პროექტის – ” უძველეს ხელნაწერთა კვალდაკვალ” – შეჯამებას. პედაგოგ მაია გოგბერაშვილს მათთვის ძველი ლიტერატურული ძეგლების გადამწერის იმიტირებული სამუშაო ოთახი ჰქონდა მოწყობილი. ბავშვებმა მელნითა და ფრთით “აი ია”- დაწერეს.
მადლობა ქალაქის მერიასა და მაია მასწავლებელს ასეთი სიურპრიზისათვის!
მეტი

“დაუსწრებელი მოგზაურობა აზიის ქვეყნებში”

April 13, 2022 Uncategorized  No comments

ასეთი გახლდათ თემა პრეზენტაციისა, რომელიც მეათეკლასელმა “მზეკაბანელებმა” წარმოადგინეს გეოგრაფიის შემაჯამებელ მეცადინეობაზე ( პედაგოგი ნორა ჩუბინიძე)
შესწავლილი იყო შემდეგი ქვეყნები : იაპონია, ინდოეთი, თურქეთი, ჩინეთი. ამიტომ სწორედ ამ სახელმწიფოებში “ვიმოგზაურეთ” პრეზენტატორებთან ერთად… დამატებით არჩეული ჰქონდათ ყატარი ( ალბათ, მისი უნივერსალურობიდან გამომდინარე)თითო ქვეყანა წარმოადგინა ორმა მოსწავლემ. პრეზენტაციისას ყველა პარამეტრზე იყო გამახვილებული ყურადღება, განსაკუთრებით სასიამოვნო და საინტერესო გახლდათ ტურისტული ობიექტების დათვალიერება.
მეათეკლასელებიდან გასაკვირი არაფერია, მაგრამ დღეს თითოელმა საკუთარ თავსაც გადააჭარბა.
მარი პერანიძესა და ნინი მაჭარაშვილთან ერთად ” მოვიარეთ” იაპონია;
გვანცა ქარქაშაძემ და ანა კუბლაშვილმა ინდოეთის ღირსშესანიშნაობებს გვაზიარეს;
ლიზი ნეფარიძემ და მარიამ მაკარიძემ თურქეთში მოგზაურობისას მიღებული შთაბეჭდილებები გაგვაცნეს;
მარიამ გეწაძემ და საბა ცერცვაძემ თითქმის მთელი ჩინეთი ” მოგვატარეს”.
ვახო პატარიძესა და ამიკო მაკარიძეს სამოგზაუროდ ყატარი აურჩევიათ.
ეს იყო საოცარი 2 საათი…ნამდვილი თეატრალური სანახაობა, უდიდეს სიამოვნებას რომ მიანიჭებდა აუდიტორიაში მყოფ ყველა სტუმარს. დახვეწილი ქართული და მოხდენილი იუმორი კიდევ უფრო მეტ ხიბლს მატებდა თითოეული პრეზენტატორის გამოსვლას.
მადლობა ნორა მასწავლებელსა და დაუღალავ მეათეკლასელებს! გვჯერა, რომ წინ უფრო საინტერესო დღეები გველოდება!
მეტი

ვულკანები და მიწისძვრები

April 13, 2022 Uncategorized  No comments

ბუნების საშიშ მოვლენებზე უნდა გაეკეთებინათ მეხუთეკლასელ “მზეკაბანელებს” პრეზენტაცია ბუნებისმცოდნეობაში (პედაგოგი ნორა ჩუბინიძე)
თითოეულ მათგანს უნდა მოეძებნა ინფორმაცია მსოფლიოს უძლიერეს მიწისძვრებსა და ვულკანურ ამოფრქვევებზე, მათ შორის, საქართველოში მომხდარ მიწისძვრებზე. პატარებმა საინტერესოდ წარმოადგინეს მასალა.არაა ადვილი, დადგე აუდიტორიის წინ და თან იყო მშვიდი და დამაჯერებელი, მღელვარება იგრძნობოდა მათ ხმაშi, თუმცა ჯერ კიდევ დიდი სასკოლო გზაა გასავლელი და გვჯერა, საუკეთესო პედაგოგის ღირსეული შეგირდები იქნებიან.
მეტი

“მზეკაბანის”კურსდამთავრებულები მზეკაბანისათვის”

April 13, 2022 Uncategorized  No comments

პროექტის ფარგლებში დღეს მშობლიურ სკოლას ეწვია 2013-2014 წლების კურსდამთვარებული ანნა ლილუაშვილი.
🔺ანნას 2018 და 2021 წლებში წარჩინებით აქვს დამთავრებული საქართველოს უნივერსიტეტის სამართლის ბაკალავრისა და მაგისტრატურის საფეხურები.
🔺2018 წლიდან ანნა გახლავთ საქართველოს ადვოკატთა ასოციაციის წევრი ადვოკატი საერთო სპეციალიზაციით (სისხლის, სამოქალაქო და ადმინისტრაციული სამართალი).
🔺მან 2018 წლიდან ჩვენს ბიუროში საქმიანობა სტაჟირებით დაიწყო. შემდგომ დაიკავა იურისტის პოზიცია.
🔺2019 წლიდან დღემდე კი ახორციელებს საადვოკატო საქმიანობას „ მარიამ კუბლაშვილის საადვოკატო ოფისში”.
🔺2019-2021 წლებში ანნა გახლდათ საქართველოს ადვოკატთა ასოციაციაში – “ახალგაზრდა ადვოკატთა პროფესიაში ინტეგრაციის კომიტეტის წევრი“.
🔺2019 წლიდან ის არის არასრულწლოვანთა მართლმსაჯულებაში სპეციალიზებული ადვოკატი.
🔺2020 წლიდან ბავშვთა უფლებებში სპეციალიზებული ადვოკატი.
🔺2021 წლიდან არბიტრთა ასოციაციის წევრი (არბიტრი).
🔺2021 წლიდან დღემდე სამედიცინო მრავალპროფილური ცენტრი “სითი ლუქსის“ – იურისტი.
🔺2022 წლიდან საქართველოს ადვოკატთა ასოციაციაში მეორე ვადით არჩეული “ახალგაზრდა ადვოკატთა კომიტეტის წევრი”.
☑️ ანნას დაწერილი აქვს სამაგისტრო ნაშრომი – არასრულწლოვანი დაზარალებულის საპროცესო მდგომარეობის თავისებურებები სისხლის სამართალში.
🔺გავლილი აქვს სხვადასხვა ტრენინგები, მათ შორის, საქართველოს მედიატორთა ასოციაციის მიერ ორგანიზებული მედიაციის ტრენინგები და მიღებული აქვს არაერთი სერტიფიკატი.
ანნამ ძალიან საინტერესო პრეზენტაცია წარადგინა. აღნიშნა,რომ განსაკუთრეული მღელვარებით ელოდა შეხვედრას ყოფილ პედაგოგებთან და “მზეკაბანელ” მოსწავლეებთან. გაიხსენა სკოლაში გატარებული ლამაზი დღეები და ბოლოს უპასუხა ბავშვების მიერ დასმულ შეკითხვებს!შეხვედრის ბოლოს კი აღნიშნა,რომ სამახსოვრო სერტიფიკატი ძალიან მნიშვნელოვან ადგილს დაიჭერს მის დოკუმენტებს შორის.
მეტი

ჩვენ გვახსოვს 9 აპრილი

April 13, 2022 Uncategorized  No comments

მეტი

დედაენის დღისადმი მიძღვნილი კვირეული

April 13, 2022 Uncategorized  No comments

დედაენის დღისადმი მიძღვნილი კვირეულის ფარგლებში ქართული ენისა და ლიტერატურის კათედრის ორგანიზებით, დაიგეგმა რამდენიმე ღონისძიება: ღია გაკვეთილები, მშობელთა ჩართულობით სხვადასხვა აქტივობა, მოსწავლეებისა და პედაგოგების მიერ შექმნილი სასწავლო რესურსების გამოფენა.
მეთერთმეტეკლასელმა “მზეკაბანელებმა” ( პედაგოგი აზა მემანიშვილი) ქართული ენისა და ლიტერატურის გაკვეთილზე საპრეზენტაციო თემებით სრულად წარმოადგინეს ვაჟა-ფშაველას ლიტერატურული მემკვიდრეობა. აუდიტორიაში 2 საათის განმავლობაში “მთის სურნელი” ტრიალებდა, კაი ყმების ომახიანი შეძახილი “ისმოდა”, სიყვარული “ბატონობდა”, თავისუფლების წყურვილი “ჩქეფდა”,სამშობლოს ისტორიული წარსული “ხმიანობდა”… ანიმაციამ, სლაიდშოუმ და სასიამოვნო კლასიკური მუსიკის ფონმა საოცარი განწყობა შექმნა მსმენელებში.
მეტი

კონკურსი-“შექმენი კომიქსი”

April 13, 2022 Uncategorized  No comments

სახელმწიფო ენის დეპარტამენტის, განათლებისა და მეცნიერების სამინისტროს ორგანიზებით, გამოცხადდა კონკურსი-“შექმენი კომიქსი’ ( გრაფიკული წიგნი). მასში მონაწილეობის მიღება შეუძლიათ II-XII კლასების მოსწავლეებს, სამ სხვადასხვა ასაკობრივ ჯგუფში.
კონკურსში “მზეკაბანელებიც” ჩაერთნენ. შეიქმნა 2 კომიქსი – ვაჟა-ფშაველას “შვლის ნუკრის ნაამბობის” მიხედვით ( მეექვსე კლასის მოსწავლეები.პედაგოგი ქეთევან კირკიტაძე)
სულხან-საბა ორბელიანის ‘სიბრძნე სიცრუისა”. ( მეათე კლასის მოსწავლე ნინი მაჭარაშვილი. პედაგოგი მანანა წერეთელი )
ორივე გრაფიკული წიგნი გადაგზავნილია შესამაბის მისამართზე. ველოდებით კონკურსის შედეგებს!
მეტი