მერვეკლასელი “მზეკაბანელები” თავიანთ “შემოდგომას” ყველა საგანში იმკიან.

დღეს, 25 მაისს, მათ ჰქონდათ კომპლექსური დავალების შეჯამება (პრეზენტაცია) მათემატიკაში. პედაგოგი და კლასის ხელმძღვანელი ხათუნა კლდიაშვილი.

კომპლექსური დავალება – ” ჩემი ოცნების ბიზნესი” მეტად საინტერესო გახლდათ თითოეული მოსწავლისათვის.

თემა : გარემომცველი სამყარო და გეომეტრიული ობიექტები, ფართობი და ფართობის თვისებები.

მასალის შერჩევისას მოსწავლეებს სრული თავისუფლება ჰქონდათ მინიჭებული, ამიტომ პრეზენტაცია გამოვიდა მრავალფეროვანი და მეტად საინტერესო.

ლიკა გურულმა საჯინიბოს მაკეტი დაამზადა და ყველაფერი წარმოადგინა კომპლექსური დავალებიდან გამომდინარე;

ლუკა ნამგალაძემ სტომატოლოგიური კაბინეტი წარმოგვიდგინა.

ლევან კირკიტაძეს თხილის პლანტაცია “გაუშენებია”;

ანასტასია ქოჩიაშვილი კაფეს მონაცემებით დაინტერესდა

ლაშა არაბიძეს გზის რეაბილიტაცია და მშენებლობა “იტაცებს”;

ბარბარე მაჭარაშვილს – სპორტდარბაზი

მარიამ კირკიტაძემ ამფითეატრის შესანიშნავი მაკეტი წარმოადგინა; ნიკოლოზ კლდიაშვილმა წინაპართა ტრადიციას არ უღალატა და ვენახი ” გააშენა” ;

დავით გაპონენკომ – დაფნის პლანტაცია, აღნიშნა, რომ მომგებიანი ბიზნესია.

ბექა შუღლაძემ საცხოვრებელი სახლი “ააშენა” და დავალებასთან დაკავშირებით წარმოადგინა ყველა საჭირო მასალა.

ლუკა ობოლაძემ და გოგა გეწაძემ შესანიშნავი მაკეტი წარმოადგინეს დასასვენებელი პარკისა და სპორტული მოედნისა.

ნიკოლოზ რობაქიძემ კაკლის ხეივანი ” გააშენა” , ხოლო ივა კვახაჯელიძემ შექმნა დაწყებითი სკოლის მოდელი.

ყველა გამომსვლელი ძალიან სერიოზულად გახლდათ მომზადებული , ამიტომაც პრეზენტაცია გამოვიდა საინტერესო.

მადლობა ქალბატონ ხათუნას და წარმატებები მომავალში მოსწავლეებთან ერთად.

16 მაისს , მეოთხეკლასელმა “მზეკაბანელებმა” ბუნებისმცოდნეობაში ( პედაგოგი თამთა თოხაძე) შეაჯამეს პროექტი – “ასეთია ჩემი მხარე”.

თითოეულმა პრეზენტატორმა ძალიან საინტერესოდ ისაუბრა იმერეთის ღირსშესანიშნაობების შესახებ და წარმოადგინა სათანადო რესურსი.

წარმატებები პატარებო, თამთა მასწავლებელთან ერთად!

ასეთი გახლდათ საპრეზენტაციო თემა, რომელიც მერვეკლასელმა ‘ “მზეკაბანელებმა” წარმოადგინეს ბიოლოგიის გაკვეთილზე ( პედაგოგი თეა სამხარაძე)

გამომსვლელებმა წარმოადგინეს საჭმლის მონელების თითოეული ორგანო საკუთარი ფუნქციით. პრეზენტაცია გახლდათ ძალიან საინტერესო, მოსწავლეებს ძალიან ბევრი დამატებითი ინფორმაცია მოუძევიათ შესწავლილ მასალასთან დაკავშირებით.ამიტომ ყველას წარდგენა ერთმანეთზე უკეთესი გახლდათ.

სასწავლო წელი თანდათან დასასრულს უახლოვდება, მაგრამ მერვეკლასელებს ჯერ კიდევ ბევრი პროექტი და აქტივობა აქვთ განსახორციელებელი სხვადასხვა საგანში. წარმატებები ბავშვებო!

ასეთი იყო დღეს IV კლასელი მოსწავლეების კომპლექსური დავალების შემაჯამებელი პრეზენტაცია საგანში “მე და საზოგადოება“(პედაგოგი ელენე კუტივაძე).

თავდაპირველად მოსწავლეებმა მოიძიეს მასალა ზღაპრებში გამოყენებული მუსიკალური საკრავების შესახებ , შეისწავლეს საკრავების წარმოშობისა და განვითარების ისტორია, მოისმინეს ფრაგმენტები მუსიკალური საკრავების ჟღერადობით , თვალსაჩინოებისთვის გააკეთეს საინფორმაციო ფორმატი ქართული ხალხური საკრავების ფოტოსურათებით და ბოლოს პრეზენტაცია სლაიდებით,სადაც წარმოდგენილი იყო უკლებლივ ყველა ქართული ხალხური საკრავი .პრეზენტაციის მსვლელობის დროს მოსწავლეებმა შეასრულეს სიმღერები და ცეკვები ხალხური საკრავების ჟღერადობით.

კომპლექსური დავალება მიზნად ისახავდა მუსიკის უნარ-ჩვევების , კვლევის, დისკუსიის, საკუთარი შთაბეჭდილებების გადმოცემის,ჯგუფური მუშაობის უნარების განვითარებას.ქვეყნის კულტურასა და ისტორიის გაცნობა,ასევე ხალხური საკრავების პოპულარიზაციას მოსწავლეებში.

“მათემატიკა რომ საგანთა დედოფალია “, ეს კარგად ვიცით ” მზეკაბანში” , მაგრამ ამაში კიდევ ერთხელ ისე ლამაზად, ფერადად, მუსიკალურად, მხიარულად დაგვარწმუნეს პატარებმა და მათმა პედაგოგმა – ლია ნიკოლაძემ.

სასწავლო წელი დასასრულს უახლოვდება. მოსწავლეებსა და პედაგოგებს ” ცოდნის მოსავალი” ექნებათ “ასაღები”. პირველკლასელთა “შემოდგომა” ნამდვილად ბარაქიანი გახლავთ, ამაში დღევანდელმა გაკვეთილმა ნამდვილად დაგვარწმუნა!

მადლობა, ლია მასწავლებელო, თავდაუზოგავი შრომისთვის! გარჯას ყოველთვის აქვს შედეგი, თქვენგან ჩაგდებული კეთილი მარცვალი უკან ათგზის დაგიბრუნდებათ!

ამ თემაზე მუშაობდნენ მეათეკლასელი “მზეკაბანელები” ინგლისური ენის გაკვეთილზე ( პედაგოგი ნანა სვანიძე)

ყველა გამომსვლელმა წარმოადგინა თითო ღირსშესანიშნაობა, გააკეთა პრეზენტაცია ინგლისურ ენაზე და შემდეგ ყველაფერი ეს წარმოადგინეს პლაკატის სახით. წარმატებები ახალგაზრდებო! საქართველოს ნამდვილად სჭირდება ერუდირებული, მიზანდასახული, შრომისმოყვარე თაობა, რამეთუ თქვენ ჩვენი ქვეყნის მომავალი ხართ!

მესამე კლასში მე და საზოგადოების გაკვეთილი – ” ჩვენ ვსწავლობთ უკონფლიქტო ცხოვრებას” ( პედაგოგი ელენე კუტივაძე) ჩაატარეს მერვეკლასელმა მოსწავლეებმა – ანასტასია ქოჩიაშვილმა და მარიამ კირკიტაძემ. გაკვეთილი მეტად საინტერესოდ წარიმართა, გოგონებმა წინასწარ გაამზადეს სხვადასხვა რესურსი, ფორმატებზე მათ პატარებს დააწერინეს, რასთან ასოცირდებოდა მათთვის სიტყვა ” კონფლიქტი” და “ძალადობა”. შემდეგი აქტივობა გახლდათ დისკუსია, მესამეკლასელებმა იმსჯელეს, იყვნენ თუ არა თავად კონფლიქტურები. შემდეგ კი სხვადასხვა ფერის ფურცელზე დაახასიათეს კონფლიქტური და უკონფლიქტო ადამიანი.

ბოლოს კი გამოთქვეს სურვილი, იყვნენ უკონფლიქტონი, რადგან თითოეულ მათგანს მოსწონს მშვიდი ცხოვრება.

ამ თემაზე მუშაობდნენ მეათეკლასელი “მზეკაბანელები” ინგლისური ენის გაკვეთილზე ( პედაგოგი ნანა სვანიძე)

ყველა გამომსვლელმა წარმოადგინა თითო ღირსშესანიშნაობა, გააკეთა პრეზენტაცია ინგლისურ ენაზე და შემდეგ ყველაფერი ეს წარმოადგინეს პლაკატის სახით. წარმატებები ახალგაზრდებო! საქართველოს ნამდვილად სჭირდება ერუდირებული, მიზანდასახული, შრომისმოყვარე თაობა, რამეთუ თქვენ ჩვენი ქვეყნის მომავალი ხართ!

ალბათ, ხშირად დაფიქრებულხართ, თუ როგორია ბედნიერება ,როგორ გამოიყურება ,რა ფერისაა ან რაში მდგომარეობს მისი არსი? დღეს, მზეკაბანელი VI კლასელები შეეცადნენ ,ესაუბრათ ბედნიერების შესახებ. ამის საფუძველი კი გახდა ჩვენი სკოლის სტუმრის , რუსული ენის მასწავლებლის , სოფელ სიქთარვის მკვიდრის, ქალბატონ ნატალია კვატაიას მიერ დაწერილი ზღაპარი- „ ბედნიერება“. მის მონათხრობში ზღაპარი მზესავით მბრწყინავი და სამოთხესავით მშვიდია. მეექვსე კლასის მოსწავლეები დიდი ყურადღებითა და ინტერესით უსმენდნენ სანდომიან ქალბატონს ,რომელმაც მოუთხრო მათ ბედნიერების მოპოვების გზების შესახებ . შეხვედრა ჩატარდა სკოლის ლამაზ ბიბლიოთეკაში როგორც უცხოურ ,ისე მშობლიურ ენებზე . მოსწავლეეებმა გაიხსენეს რუსულ ენაში ნასწავლი ზღაპრებიც და მათი პერსონაჟებიც. ბავშვებმა გაგვანდეს, რომ მათთვის ბედნიერება ოჯახისა და მეგობრების კარგად ყოფნას ნიშნავს. სასიხარულოა,რომ ამ ასაკში ისინი ასე მსჯელობენ და სწორად ესმით ბედნიერების არსი !

მომავალში დაიგეგმა ხელნაკეთი წიგნის დამზადება ამ ზღაპრის მიხედვით ,რომლის ილუსტრატორებიც და კალიგრაფისტებიც თავად ბავშვები იქნებიან.

დიდი მადლობა მეექვსე კლასს, ქალბატონ ნატალია კვატაიასა და დარინა მასწავლებელს საინტერესო დღისთვის.